monumenta.ch > Seneca > sectio 1

Wortauswahl für das Suchen

Melden Sie einen Fehler in dieser Sectio
Seneca, de Providentia, 6, 5
Vobis dedi bona certa mansura, quanto magis versaverit aliquis et undique inspexerit, meliora maioraque; permisi vobis metuenda contemnere, cupiditates fastidire; non fulgetis extrinsecus, bona vestra introrsus obversa sunt. Sic mundus exteriora contempsit spectaculo sui laetus. Intus omne posui bonum; non egere felicitate felicitas vestra est.